Satellit
Topo
Ocean
My Travel blog
Dorfen, Germany Current Location About Contact
25
Mar
Dalat, VN
25. - 27. März 2016
D Fahrt nach Dalat isch wunderschön gsi. Dalat liggt nämlich in de Bärge und so sin mir über völlig villi Päss und Bärgstrosse gfahre. Das isch bis jetzt die schönsti Strecki gsi wo ich gfahre bi, au wenns eh bitz unbequem gsi isch mit zwei Persone und Gepäck uff eim Motorbike.
Mir sin denn gege Mittag in Dalat ahcho und hänn im Family Hostel ihcheckt. Als Begriessig hänn mir denn grad zerst moll eh gratis Zmittag becho wo mega fein gsi isch. Am Nomittag ha ich nüm wirklich vill gmacht, sondern eifach bitz Schlof nochegholt wo mir no vo dr Fahrt im Nachtbus gfehlt hett.
Zobe hänn mir denn am sogenannte «Family Dinner» teil gno. Dört sin so zimlich alli wo im gliche Hostel gsi sin au drbi gsi. Mir sin alli zemme am eh mega lange Tisch ghoggt und me hett für 50'000 Dong (circa 2 CHF) so vill Esse kriegt wie sie nur hänn könne mache. Es hett ganz villi verschiedeni Schüssle und Teller kha mit allem mögliche Esse, vo Gmies über Fleisch und Friehligsrolle, druff wo me überall eifach hett könne neh. Sobald sich die erste paar Teller gleert hänn sin sogar no mehr verschiedeni Sache kho, wie Salat, Brothärdöpfel und Bananapancakes. Mir sin also drnoch völlig vollgstopft aber au super guet gluunt gsi.
Am nächste Tag hänn mir denn eh Canyoning-Tour gmacht. Mir sin am halb 10i im Hostel abgholt worde und zerst moll zum eh Üebigsort gfahre wo si uns zeigt hänn wie me sich richtig abseilt und was alles wichtig isch. Drnoch sin mir denn zum erste Wasserfall gloffe wo mir uns an ere trockene Wand s erste moll abgseilt hänn. Drnoch sin mir denn wieder eh Stück wit durch eh Wald und durch Wasser gwanderet, bis mir zum nächste Spot kho sin wo mir uns wieder abgseilt hänn. Es hett brutal Spass gmacht sich abzseile und au s laufe durch eh Wald und s überquere vo de Flüss isch voll toll gsi.
Als letzti Station vor em Zmittag sin mir zu em Wasserfall gange wo me hett könne wie uff ere Rutschbahn aberutsche. Das hänn mir an zwei verschiedene Stelle könne mache, eimoll ganz normal mit de Fiess vorah uff em Rucke liegend und eimoll kopfvorah. Es isch völlig lustig gsi und überhaupt nit gföhrlich. Me hett d Stei gar nit gspürt und sich niene ahgschlage.
Zum Zmittag hänn si ganz vill Brot und Sache für drih drbi kha und mir hänn uns alli unseri eigene Sandwiches könne mache und au no mega vill Frücht esse.
Ahschliessend ischs denn wieder wittergange und mir sin zu ere Klippe kho wo me entweder 7m oder 11m hett könne abegumpe. Meh hett au wieder könne uffeklettere uns mehrmolls mache. Dr Mischa hett alli zimlich beihdruckt indem er mehrfachi Saltos gmacht hett bim abegumpe. Ich bi grad moll froh gsi dass ich mi traut ha vo beidne Stelle gang grad abezgumpe.
Als letzts hänn mir uns denn no an einere Stell direkt in eh Wasserfall ihne abgseilt, sie nenne de Spot «washing machine». Am Schluss wenn me s Endi vom Seil erreicht hett, hett me eifach miesse losloh und isch vom Wasserfall wäggspielt worde bis zu eme Ort wo eine vo de Füehrer gwartet hett zum ein us em Wasser z zieh. Es hett mir am Ahfang bitz Angst gmacht kha, will ich im Vorhinein nit gwüsst ha was mit erwartet und woni denn über dr Klippe gsi bi hani plötzlich dä Wasserfall gseh woni mi denn schlussendlich ha miesse drihkheie loh. S isch aber überhaupt nit schlimm gsi sondern hett riesig Spass gmacht.
Drnoch hänn mir no circa 20 Minute miesse durch eh Fluss und eh Wald laufe zum zu dr Stell z kho wo dr Bus uff uns gwartet hett zum uns zrugg zum Hostel z bringe.
Die Canyoning-Tour hett riesig Spass gmacht und ich würds jederzyt nomoll mache. S einzige wo mi bitz gstört hett isch, dass mir eh rächt grossi Gruppe gsi sin und dorum zum Teil eifach mega lang hänn miesse warte. S warte an sich isch eigentlich nit s Problem gsi, sondern dass me mit dr Zyt denn wirklich kalt kriegt hett.
Zobe hänn mir denn wieder im Hostel das grossartige Znacht gässe und sin denn no bitz go feschte.
Am nächste Tag hänn mir am Morge unsers Gepäck zu eme Busunternähme gfahre wo s für uns bis uff Mui Ne brocht hett, drmitt mir bitz mehr Platz uff em Bike hänn uns somit ahgnehmer isch zum Fahre. So gege die halb 12i sin mir denn losgfahre richtig Mui Ne.


The drive to Dalat was just amazing. Dalat is a city in the mountains and so we had to drive over mountain passes and mountain roads to reach it. This was the best part I drove so far. Even though it wasn’t really comfortable with two people and luggage on the bike.
We arrived in Dalat around noon and checked in to the Dalat Family Hostel. They welcomed us with a free lunch which was really delicious. In the afternoon I didn’t do anything because I had to catch up some sleep I missed while driving in the nightbus.
In the evening we were a part of the “family dinner”. Nearly all the people staying at the hostel were doing this. We just sat at a really long table together and you could eat as much as possible for only 50’000 Dong (about 2 USD). There were so many bowls and plates with all kinds of food on them (from vegetable and meat to spring rolls and more) and you could just serve yourself. As the first few plates started to empty there were just more coming with different things on them. We had salads, fried potatoes, banana pancakes and lots of other things. I ate way too much but it was really good and I was really full but happy afterwards.
The next day we did a canyoning tour. The tour guides picked us up at the hostel at 9.30 am. First we went to a training place where they showed us how to do the abseiling correctly and what the most important things are. After that we walked to the first waterfall where we did the first abseiling at a dry wall. After that we had to walk through the forest and the stream for a while to get to the next spot for the next abseiling. It was really fun to do this abseiling and also the hiking was really beautiful.
As a last stop before lunch we went to a waterfall that was sort of like natural waterslides. We were sliding down at two different parts off the waterfall. Once normally with the feet in front and once head first. It was funny and not dangerous at all. You couldn’t even feel the stones and I didn’t hit any of them.
For lunch they prepared lots of bread and things to put into it. So we could all make our own Sandwiches and also eat some fruit.
After that we continued and we reached some cliffs. There you could either jump from 7 or 11 metres. You could also climb up again and jump more than once. Mischa really impressed all the people who were there because he did double flips and other stuff while jumping. I was really glad I dared to jump from both highs normally.
To finish our tour we did one last abseiling, they called it the washing machine. Here you’re abseiling directly into a waterfall and as soon as you reach the end of the rope you just let go and you fall into the water. Then you’re just under the water for a while until you get to the place where one of the guides is standing to pull you out of the water.
I was a bit afraid of it at the beginning because I didn’t know what to expect before it was my turn to go down. So I just went over the cliff and saw this big waterfall in which I should abseil myself and at the end even fall into it. But it wasn’t bad at all it was just amazing.
After that we hiked through the forest and stream for another 20 minutes to get to the place where our bus waited for us to drive us back to the hostel.
This canyoning tour was a really funny adventure and I would for sure do it again at recommend it to everybody. The only thing that was a bit annoying was that we were a really big group. So you always had to wait until it was your turn to do the abseiling or slides. The waiting wasn’t that bad but I just started to get cold in the wet clothes.
In de evening we had the amzing family dinner again and after that we went partying a bit.
The next day we brought our luggage to a bus company who drove it to Mui Ne for us. We did that to have it more comfortable on our bike. We left Dalat at around 11.30 am to drive to Mui Ne.